琴日返工做嘢，就由太古城縱橫交貫咁行到天后，我可以話俾你聽感覺..好累。

$680

YAYAYA

時間 ： 2045 hrs.-0100 hrs.

地點 ： 海港燒鵝海鮮酒家-旺角洗衣街39-55號金雞廣場1樓

食物 ：火鍋

Good~~無男丁

我從未驚過，19年無見會無嘢講。話哂凡由3年班到6年班，我哋都係同一班，就算，我都唔係，講返19、18、17、16、15...年嘅回憶...抄書、抄生字、大抄、小抄、紀念冊、中學、溫哥華讀書、現家份工、倆個雞啄唔斷。唔係第日要返工，都唔知傾到幾點。

最後一日行程，第一個景點係上蓋勒特山，居高臨下睇布達佩斯景色。氣溫不知有幾多，只知大風到連我都吹起，凍已是經極限~

成團人食飽西北風後，就去咗漁夫堡。漁夫堡據說係紀念舊時防禦多瑙河嘅漁夫而命名。天晴、景靚、人開心加上係最後一日行程，謀殺咗百幾張相。

馬提亞斯教堂喺漁夫堡旁邊，係13世紀時貝拉四世下令興建的布達聖母教會堂。後因於15世紀時匈牙利國王馬提亞斯和皇后碧翠絲喺度舉行婚禮而改名，依度亦係匈牙利國王加冕嘅地方。教堂曾因土耳其佔領，被改為回教清真寺。之後又加入了巴洛克和新哥德建築型態，變翻天主教堂。自13世紀迄今，已多次維修，所以每次都拍唔到佢嘅全貌。

露宿漁夫堡也不錯~~

之後無行國會山莊，就去講到好靚嘅聖坦德，又名希臘小村。1200hrs.到咗之後，領隊話1500 hrs.集合。哎~~一條村得一條路、食埋飯，都唔捱到3點架，擺明賣豬仔。國會山莊喺漁夫堡隔壁都唔去，山長水遠嚟依到！為乜？為飲十足十罐頭沙丁魚汁嘅匈牙利魚湯，為買周圍都有得賣嘅辣椒粉，定為高少少嘅對換價？好多團友都感覺「迷」...

去完1896年為紀念匈牙利馬札兒民族在定居一千年而建嘅英雄廣場，就無聊返酒店休息一個鐘，之後食匈牙利晚飯。食飯嘅地方係酒店隔離，我哋邊飲紅酒、邊食傳統菜，邊睇民俗歌舞。表演者仲勁捉團友出去玩，我同珠女講，捉我一定扮跛，結果珠女被人出咗出去...哈哈。

食飽、笑飽就返酒店執行李，聽日0445 hrs. 搭飛機返香港。

斯洛伐克嘅首都布拉提斯那，就係維也納附近，車程唔洗2個鐘。記得上次去東歐，最好天氣就係喺布拉提斯那，所以話個天係公平~~今次落狗屎....喺城堡度大雨到連相機都唔敢攊出嚟。大風又凍之餘，連牛仔褲都濕埋。

好在後尾停咗雨，勉強可以影相。聽講古城有百多個銅像，但我哋只撞到4個。搵行咗好多間餐廳都搵唔到有好嘢食，午餐迫於無奈食麥記。

下一站喺匈牙利布達佩斯遊船河，吾....好凍呀~~仲要懶勁行上甲板影相，手..都凍到硬哂。

第一站【賀夫堡】隔離嘅【莫札特紀念碑】，但光線不足，影人唔靚，唯有專心影像。跟住行去【賀夫堡】、【英雄廣場】，又行去【瑪麗亞特瑞莎女皇雕像】、【自然史博物館】、【國立美術館】走馬看花一輪。

就去下一站，【百水公寓-古怪屋】，整個建築運用咗巴洛克式不協調對稱，再加花草裝飾。每層樓配上不規則嘅窗，同漆上唔同顏色。由於啲花花草草不停生長，每次嚟到都唔同感覺，今次感覺係“雜亂”。我想住喺上高啲人真係慘，我嚟到依度係1000 hrs.，晨早溜溜鬼殺咁嘈，雖然加裝咗雙層玻璃，但又要成日24小時都被人望住哂，真係慘~

之後上埋【多瑙塔】行出觀景台，除遠睇百水先生另一傑作【幻彩垃圾焚化爐】，影下維也納市四周外，最滿足就係食咗有生以來最大量嘅西北風，同行咗4層旋轉樓梯至到嘅厠所。

食完西北風，就返到維也納市中心放午飯。落車位附近有個建於1130年嘅古蹟【聖魯普雷希特教堂】，教堂入面仲有羅馬墓穴，探險一流。

路經小街，發現有間蒙古餐廳個招牌啲中文字調轉哂嚟寫，令我不其然諗起細個時左手寫字嘅樂樂。同猪女走入間餐廳食pizza同pasta。pizza有樣睇，但pasta無，個餐牌仲係用德文寫，望勻都無英文，就唯有靠估，睇怕唔會變咗食雪糕啩！雖然我哋日日無時無刻都想食。結果我揀咗一個德文B?????is嘅嘢，原來係肉醬意粉。

搭半個鐘頭車去自費嘅【維也納森林】，即係地洞湖。係第二次世界大戰期間德國納粹黨用嚟研製戰機嘅地方。入面溫度全年都係8度，所以出面有毯借，我勁唔夠衫，但見啲毯污穢到爆，凍死都唔著。經過45分鐘嘅遊覽，我覺得X#@Z ！！昆明九鄉、肇慶七星岩高出好多好多班，入面又無乜古蹟，連去廁所嘅五毫子都要呃，依個行程應該唔好推介俾人囉。

之後去到遜布倫宮，真的慶幸天朗氣清，影相喇Model~

晚餐喺超咸嘅中餐。

食飽飽就行古城，行幾步影幾張相，又行幾步影幾張相，我哋終於搣甩成班團友。集合時間係1145 hrs.，可以慢慢影~

影到咁上下就搵手送買，記得上次嚟時買過把開信刀俾大丙，今次嚟想買把俾美怡，但搵極都搵唔返間舖頭，都唔知係咪執咗。算~買隻杯仔俾自己先~~

食完午飯、瞓個大午睡，經過好多風力發電，大約4點半，就去到維也納。由於明天係星期日關係，好多商店都會唔開舖，有多多錢都無用。所以一落車，行過咗一段路，領隊講完集合時間地點後，就一支箭帶團友去掃名店。由於係星期六，人又超多，結果跟甩咗。唯有自己一班人行，周圍供下。行行下，連猪女都唔見埋，無理由架，佢班親戚喺度影緊相喎？正當我周圍搵猪女嘅時候...我發現有Channel店！我當堂明白哂，有人見到Channel，連親戚都唔理....等我行完Gucci、LV、D&G 至執翻佢。

行過又影【約翰史特勞斯黃金像】~

之後上返旅遊巴、行一大段路去食維也納出名嘅吉烈豬扒餐。依塊豬扒令我諗起亞媽，因為味道同我亞媽整嘅一樣，但我亞媽塊豬扒有肉汁，佢無。返酒店，酒店係3星Airo Tower Vienna

向喺九世紀建築嘅布拉格城堡出發！門口2個士兵唔見咗嘅?去咗阿富汗打仗呀? 上次嚟布拉格無得入【聖維特教堂】，今次排隊都要入一入去供吓。雖然無腳架，但都暘咗30、40張相。

之後，就係修道院。

【黃金巷】吹喇叭的細路，其實係玩具博物館招牌。

重鋪石仔路。

喺城堡山上睇布拉格舊城景好靚，但就有好多煙霞，好難影到靚相。

由城堡區行到查理大橋，差唔多係指定旅遊路線。我哋喺條橋度影咗可能成百張相。唔好掛住影相，依度都好多小偷架~ 行到去舊城廣場，就見到世界各地嘅遊客都頭頭岳岳睇【天文鐘】。個骷髏骨頭好得意，會搖下個鈴鈴~仲有個【魔鬼教堂】，吾我覺得【魔鬼教堂】夜晚影會靚啲。

喺布拉格我哋有2個鐘頭行街街，所以我哋又走返去查理大橋影過夠。行去市集睇吓嘢、又走去睇吓名牌街咁。係時候食飯，我哋揀咗食街邊嘢，買咗熱狗同串燒包。個熱狗仲用炭爐燒，那當然係熱辣辣-相當正，再加埋茄醬、芥辣，死就死，肥咗至算! 之後，仲食埋肥妹套餐之雪糕。

之後坐2個幾鐘頭車，去「世界文化遺產」古姆洛夫。到達古姆洛夫已差不多入黑。由於旅遊車唔可以駛入古城，而我哋今晚又住喺古城入面，所以領隊前一日已經叮囑我哋減少行李，攊個袋就可以，免得石頭路整爛個喼。我哋先入住酒店，間Zlaty Andel 酒店由民居改建，入面間間房唔同size。我攞咗領隊派嘅房匙後，就望都無望分俾珠女啲親戚。派淨果條珠女話係7號，我哋就急不及待走入另外一幢嘅7號房。點知我開嚟開去都開唔到度門，7號無錯呀?....點解入面有聲??!。依!!我知喇~歐洲人寫個1字係勁似7字架! 急逃~~我哋結果係猜輸，間房不大。